BULLETTIN
PARROĊĊA MARIJA BAMBINA
XAGĦRA – GĦAWDEX
14-03-2010

“0 ĠUŻEPPI MISSIER TAGĦNA”
Nhar il-Ġimgħa l-Knisja tiċċelebra l-festa ta’ San Ġużepp, ir-raġel ġust u safi tal-Verġni Mbierka. Id-19 ta’ Marzu, huwa l-jum li fih niftakru fil-“kustodju u l-Ħarries tar-Redentur”, San Ġużepp. Hekk isejjaħlu l-Papa Ġwanni Pawlu II. Il-parroċċa tagħna hi xxurtajta għaliex hija marbuta u orjentata lejn l-Ewkaristija li minnha tieħu l-qawwa fil-Missjoni tagħha, filwaqt li tpoġġi lil Marija u Ġużeppi bħala l-mudelli l-aktar sbieħ tagħha, jiġifieri tpoġġi lil Marija Bambina Patruna tal-komunitaۥ tagħha u lil San Ġużepp Kompatrun ta’ din il-komunita`. Ejjew inħarsu dan il-jum b’imħabba speċjali waqt li nagħtu l-festa t-tajba lil dawk kollha li jġibu l-isem ta’ dan il-qaddis. Fil-Bażilika l-quddies ikun fil-5.00am., 6.00am., 7.00am., 8.30am., 9.45am., 11.00am., 4.30pm., u fis-6.30pm.
“O Ġużeppi Missier tagħna b’talbek ieqaf dejjem magħna”.

Eżerċizzi 2010
Ejjew inroddu ħajr lill-kbir Alla għaliex il-poplu tagħna għadu jħoss il-għatx għall-Kelma t’Alla. Ħafna rrispondew billi attendew għall-Eżerċizzi tal-familja. Issa jmiss l-Eżerċizzi għal kulħadd, kemm fil-Bażilika kif ukoll fin-Nazzarenu. Huma l-Eżerċizzi għal Kulħadd li għalihom jista’ jattendi kulħadd!

Fil-Knisja ta’ Ġesu` Nazzarenu
Minn għada t-Tnejn sal-Ġimgħa ser isiru l-Eżerċizzi għal kulħadd mill-Kan. Dun Mikiel Borg. Ħin fis-7.15pm. It-Tnejn, l-Erbgħa u l-Ġimgħa (matul ir-Randan) fil-5.30am. ikun hemm is-Salmi Ta’ Sbieħ il-Jum. Adorazzjoni Ewkaristika: It-Tlieta u l-Ġimgħa jkun hemm adorazzjoni mit-3.00pm sas-6.30pm., u il-Ħamis issir adorazzjoni għall-qdusija tas-saċerdoti u l-vokazzjonijiet mis-7.00pm sat-7.45pm.

Pellegrinaġġ għas-Santwarju tal-Madonna ta’ Pinu
Illum fis-Santwarju Ta’ Pinu jsir il-pellegrinaġġ tar-Randan lejn l-Għid il-Kbir. Dan hu l-pellegrinaġġ tal-Parroċċa tagħna f’riġlejn il-Madonna. Trasport mill-Pjazza fis-1.30pm. Fis-2.00pm. Via sagra fis-Santwarju, u fis-2.30pm quddiesa mill-Arċipriet Carmelo Refalo. Ejja…..Ejja….f’riġlejn Marija biex naslu għand Ġesu`.

Duttrina u Katekiżmu
Nhar l-Erbgħa fid-Domus Curialis ser issir laqgħa mportanti għal dawk kollha nvoluti fit-tagħlim tal-katekiżmu tat-tfal u tal-istudenti. Ser issir evalwazjoni tal-formazzjoni nisranija tat-tfal tal-parroċċa. Ħadd mill-katekisti m’għandu jonqos. Nibdew fil-4.45pm.
Appell: Nagħmlu appell lill-ġenituri biex jieħdu ħsieb l-attendenza regulari u puntwali ta’ wliedhom. It-tfal tal-Yr. 5 u 6 għandhom bżonn attendenza serja biex jitilgħu klassi oħra.

Ċelebrazzjoni Penitenzjali għall-Koppji
Bħala parti mit-tħejjija għall-Għid, il-koppji li jiltaqgħu f’żewġ gruppi separati nhar ta’ Sibt, u l-
koppji li żżewġu dawn l-aħħar ħames snin, ser ikollhom ċelebrazzjoni tal-Qrar flimkien fil-Bażilika, nhar is-Sibt 20 ta’ Marzu fit-8.00pm. Ejja nagħmlu ċ-ċelebrazzjoni tal-Maħfra u l-Paċi li l-Mulej jagħtina.

Min se jifridna mill-Imħabba ta’ Krisru?
Eżerċizzi għal persuni separati u persuni li jinsabu fit-tieni relazzjoni. Il-Knisja f’Għawdex tistieden lill-persuni separati, irġiel jew nisa, u lil dawk li jinsabu fit-tieni relazzjoni, għal kors ta’ eżerċizzi li ser isir apposta għalihom. Il-kors ser isir mit-Tnejn 22 ta’ Marzu sal-Ħamis 25 ta’ Marzu 2010, f‘Dar Manresa, mis-7.00pm. sat-7.45pm. Il-Predikatur ser ikun Fr. René Camilleri. Ikun hemm min jieħu ħsieb it-tfal.

Tagħrif Importanti
• Sezzjoni tal-Wegħdi: Dawk li jieħdu sehem fis-sezzjoni tal-wegħdi, huma mitluba jikkuntattjaw lil Carmel Sultana fuq il-Mob. 99494054 mill-aktar fis possibbli.
• Tfal fil-Purċissjoni: Ser issir laqgħa għal dawk it-tfal minn Yr.3 ۥl fuq li jixtiequ jieħdu sehem fil-purċissjoni tal-Ġimgħa l-Kbira. Il-laqgħa ser issir il-Ħadd 14 ta’ Marzu fit-9.00am. fl-Azzjoni Kattolika tan-Nisa.
• Radju Bambina qed iħejji skeda speċjali għar-Randan u l-Għid il-Kbir. Żuru l-websajt www.xagħraparish.org u agħti l-kummenti tiegħek.

Agħtihom o Mulej il-Mistrieħ ta’ Dejjem
• Emanuel Camilleri u l-familja joffru € 12 b’suffraġju tal-għażiża martu u ommhom Maria Camilleri.
• L-aħwa Buttigieg joffru €20 b’suffraġju tal-għeżież ġenituri tagħhom Salvina u M’Angelo Buttigieg u l-għażiża oħthom Maria Buttigieg.

BULLETTIN
PARROĊĊA MARIJA BAMBINA
XAGĦRA – GĦAWDEX
7 – 03-2010

EŻERĊIZZI FAMILJA RANDAN 2010
Bejn għada t-Tnejn 8 ta’ Marzu u l-Ġimgħa 12 ta’ Marzu 2010, fil-Knisja Bażilika ser isiru l-Eżerċizzi Spiritwali tant mistennija fil-qalba tar-Randan Imqaddes. L-istedina għal dawn l-Eżerċizzi għandha tolqot lil kull min igħożż il-familja u għandu x-xewqa li jġedded fi Kristu l-ħajja taż-żwieġ. Il-Kelma t’Alla din is-sena, ġiet afdata f’idejn Fr.René Camilleri, predikatur magħruf, li ġej fostna minn Malta biex iwassal il-messaġġ tar-Redenzjoni. Issa jmiss lilna lkoll li nżommu l-appuntament mal-Kelma t’Alla. Żgur li l-infern jinfetaħ biex jikkumbatti u jtellef il-laqgħa mal-Kelma t’Alla. Ejjew inħeġġu oħrajn sabiex jattendu bi ħġarhom. Issa hu l-jum it-tajjeb, issa hu ż-żmien tas-salvazzjoni. Il-Papa Benedittu XVI qalilna li “Ir-Randan għandu jkun irtir kontinwu”……..kif tista’ ma tattendix għall-Eżerċizzi tar-Randan?

Is-Seminarju – il-Ġabra waqt l-Eżerċizzi tar-Randan
Matul l-Eżerċizzi jkollna l-ġabra l-kbira għas-Seminarju. Dan hu appuntament annwali li fih il-karita` tar-Randan tissarraf f’offerta ġeneruża biex ngħinu fil-formazzjoni ta’ dawk li ser ikunu s-saċerdoti ta’ għada. Il-Ħamis issir din il-ġabra mis-seminaristi. Il-morda u dawk li ma jistgħux jattendu jagħmlu mezz biex iwasslu s-sehem tagħhom, ħalli nagħmlu offerta li tixraq lis-Seminarju.

Il-Ministeru tal-Lettorat
Il-Ħadd li għadda, 28 ta’ Frar 2010, fil-Knisja Arċipretali ta’ Sannat, l-E.T. Monsinjur Isqof Mario Grech, ta l-Ministeru tal-Lettorat lis-seminarista mill-parroċċa tagħna, Mark Bonello. Dan huwa pass ieħor lejn is-Sagrament tas-Saċerdozju għal dan iż-żagħżugħ.

Il-Prietka tal-Via Sagra
Illum il-Ħadd fis-6.00pm. fil-Knisja Bażilika, ser issir il-prietka tal-Via Sagra, b’meditazzjoni mis-seminaristi u bis-sehem tal-Grupp tal-Vokazzjonijiet. Inħeġġu biex ħafna jagħmlu l-meditazzjoni tal-Via Crucis u tal-Via Matris. Illum ukoll ser ikun hemm Adorazzjoni fis-skiet, fiċ-Ċentru taż-Żgħażagħ, bejn it-8.00pm u d-9.30pm. Esperjenza sabiħa li tkompli tibnina fil-mixja tar-Randan Imqaddes.

Pellegrinaġġ Redentur – Ħarġa għal Malta
Nhar il-Ġimgħa 19 ta’ Marzu, vaganza pubblika, il-parroċċa tagħna flimkien mal-Arċipriet qed torganizza ħarġa għal Malta. Ikollna l-quddiesa f’riġlejn ir-Redentur tal-Isla, inżuru Bay Street, Buġibba, il-festa ta’ San Ġużepp fir-Rabat Malta, kif ukoll is-suq. Aħsbu għall-biljetti mill-Uffiċċju Parrokkjali.

Ġej il-Papa
Iż-żjara tal-Papa Benedittu XVI f’Malta f’April li ġej, qed toqrob ġmielha. Dawk kollha li huma nteressati li jużaw it-trasport, huma avżati li d-Djoċesi ta’ Għawdex qed torganizza trasport għal dawk li ser imorru filgħodu il-Ħadd 18 t’April 2010 għall-quddiesa fuq il-Fosos tal-Furjana, u trasport għal dawk li ser imorru għaċ-ċelebrazzjoni taż-żgħażagħ fuq il-Water Front, fix-xatt tal-Belt. Intom mitluba tiġbru l-formoli mill-Uffiċċju Parrokkjali u timlewhom biex issir l-organizazzjoni tat-trasport.

Xi Tagħrif
• Ħniena Divina: Illum il-Ħadd ser isir irtir tal-Ħniena Divina fil-Kunvent ta’ Sant’ Wistin li jibda fid-9.00am. Trasport mill-Pjazza fit-8.30am.
• Qari tas-Salmi: Illum fl-4.15pm. isir it-talb tas-Salmi bil-Malti mill-Kapitlu u l-Kleru flimkien mal-poplu.
• Żwiġijiet 2010: Dawk il-koppji li ser jiżżewġu matul is-sena 2010, ser ikollhom laqgħa mportanti għalihom għada t-Tnejn 8 ta’ Marzu fit-8.15pm., fl-Oratorju tal-Passjoni. Jattendu wkoll dawk li ser jiċċelebraw iż-żwieġ barra mill-parroċċa.
• Pellegrinaġġ għal Ta’ Pinu: Il-Ħadd li ġej 14 ta’ Marzu, fit-3.30pm. ser jitlaq pellegrinaġġ mill-Parroċċi tax-Xagħra u tan-Nadur lejn is-Santwarju tal-Madonna ta’ Pinu. Fil-4.15pm. iż-żewġ Parroċċi jiċċelebraw quddiesa flimkien f’riġlejn il-Madonna.

Agħtihom o Mulej il-Mistrieħ ta’ Dejjem
• Antonietta Buttiġieġ u l-familja joffru €12 b’suffraġju tal-għażiż żewġha u missierhom Ruman Buttigieg.
• Maria Magrin u l-familja joffru €12 b’suffraġju tal-għażiża ommha Franġiska Vella.
• Antionette Xerri u l-familja joffru €12 b’suffraġju tal-għażiż missierha Joe Sultana.

BULLETTIN

PARROĊĊA MARIJA BAMBINA

XAGĦRA – GĦAWDEX

28-02-2010

“IKOLLOK ĦNIENA MINNI O ALLA”

Ir-Randan huwa żmien ta’ Riflessjoni, żmien li fih nagħtu aktar spazju għal Alla fil-ħajja tagħna.  Żmien li fih nagħarfu jekk aħniex ngħixu jew neżistu.  Żmien li fih inħallu d-dawl tal-Ispirtu ta’ Alla jdawwal ir-riflessjoni tagħna.  Fuq kollox huwa żmien ta’ sinċerita`.

“Ikollok ħniena minni O Alla

fi tjubitek fil-kobor tal-ħniena tiegħek

Ħassar ħtijieti”

“Issa hu ż-żmien it-tajjeb, issa hu ż-żmien tas-Salvazzjoni.”  Ħafna nies intebħu u stenbħu u bdew jattendu għall-quddies ta’ kuljum, diġa’ programmati biex jiġu l-EŻERĊIZZI SPIRITWALI, għandhom għal qalbhom il-meditazzjoni tal-Via Sagra.  Nagħmlu appell lil ħafna li għadhom fil-bruda biex jiftħu għajnejhom u jistembħu min-nagħas tagħhom….issa hu ż-żmien it-tajjeb!”

Ir-Randan …..matul din il-ġimgħa

• Talb tas-Salmi: Illum il-Ħadd fl-4.00pm. fil-Bażilika jsir it-talb tas-Salmi mill-Kapitlu u l-poplu.
• Irtir għall-Koppji Miżżewġa: Illum f’Dar Stella Maris iż-Żebbuġ, numru sabiħ ta’ familji qed jagħmlu l-Irtir tal-Għid.
• L-Ewwel Qrara: Nhar l-Erbgħa 3 ta’ Marzu, fil-5.00pm. ser issir l-Ewwel Qrara lil numru ta’ tfal subien u bniet li ser jagħmlu l-Ewwel Tqarbina.  Importanti ħafna li l-ġenituri u dawk li jieħdu ħsiebhom ikunu preżenti u jieħdu sehem f’din iċ-ċelebrazzjoni.
• M.U.S.E.U.M. tal-Bniet: Matul din il-ġimgħa, is-soċji bniet tal-M.U.S.E.U.M. għandhom l-Eżerċizzi Spiritwali għalihom.  Għalhekk matul din il-ġimgħa t-tfal ma jkollhomx duttrina.
• Aħsbu għall-Eżerċizzi Spiritwali: Nhar it-Tnejn 8 ta’ Marzu nibdew l-Eżerċizzi speċjali għall-miżżewġin.  Jippriedka Fr. René Camilleri.
• Adorazzjoni fis-Skiet: Kull nhar ta’ Ħadd, matul ir-Randan, fiċ-Ċentru taż-Żgħażagħ ikun hemm adorazzjoni fis-skiet bejn it-8.00pm. u d-9.30pm. Ejja u ara.
• Pellegrinaġġ tar-Redentur: Nhar il-Ġimgħa li ġejja, il-parroċċa tagħna ser torganizza t-tieni pellegrinaġġ.  Din id-darba mill-Knisja ta’ Ġesu` Nazzarenu, fejn fis-6.00pm. issir quddiesa kkonċelebbrata, u wara jitlaq il-pellegrinaġġ minn quddiem il-knisja bix-xbieha devota ta’ Ġesu` Redentur għall-Bażilika, fejn mal-wasla tingħata l-Barka Sagramentali. L-aħħar quddiesa fil-Bażilika tkun fis-6.00pm.

Is-Seminarista Mark Bonello

Fil-Knisja Parrokkjali ta’ Santa Margerita ta’ Sannat, illum fl-4.00pm., l-E.T. Monsinjur Mario Grech Isqof t’Għawdex, jagħti l-Ministeru tal-Lettorat lil żewġ seminaristi, wieħed minnhom iben din il-parroċċa Mark Bonello, iben Saviour u Emanuela Bonello.  Nifirħu mal-familja tiegħu, familjari u mal-Knisja kollha li qed tafda l-ministeru tal-Kelma fix-xandir tagħha lil dan iż-żagħżugħ.  Inħeġġu ħafna nies biex jattendu, filwaqt li din l-okkażjoni tkompli tħeġġiġna biex nitolbu aktar għall-vokazzjonijiet.

Ir-Redentur tal-Isla

Nhar il-Ġimgħa 19 ta’ Marzu, il-parroċċa tagħna ser torganizza ġita għal Malta.  L-Arċipriet ser imexxi ċelebrazzjoni u quddiesa waqt li nżuru r-Redentur tal-Isla. Tkun okkażjoni biex inżuru s-suq ta’ Marsaxlokk, postijiet ta’ nteress u l-festa ta’ San Ġużepp fir-Rabat ta’ Malta.

Bazaar Kbir tal-Għid

Neħtieġu voluntiera biex igħinu fil-bazaar tal-qassatat u figolli. Fl-Uffiċċju Parrokkjali tistgħu ġġibu pakketti tal-margerina(stork), intrita, dqiq, zokkor, żbib, vanilla, bajd, etc….Il-qassatat speċjali tal-Għid huma mfittxija ħafna!  Jekk hemm xi nies li jixtiequ joffru kejkijiet plain, pastini, kwariżimal,qassatat li jistgħu jsiru fid-djar, tkun qed tgħin ħafna!

Tagħrif Importanti

v  Iċ-Ċentru tal-Vokazzjonijiet qed iħejji għall-Purċissjoni Pageant tat-tfal nhar Ħadd il-Palm.  Ġenituri ħeġġu lil uliedkom jieħdu sehem.  Kellmu lill-membri tal-Grupp tal-Vokazzjonijiet.

v  Il-Kulleġġ t’Għawdex, Primarja Xagħra qed tilqa’ applikazzjonijiet għad-dħul fil-klassijiet tal-Pre Kinder (it-tfal li twieldu fis-sena 2007) Kinder u Year 1 li tibda f’Settembru / Ottubru 2010.  Il-ġenituri jieħdu magħhom iċ-ċertifikati tat-twelid, il-ktieb tat-tilqim u l-ID Cards tal-ġenituri.

v  Magħmudija:Dawk il-ġenituri li se jkollhom magħmudija fix-xhur li ġejjin, huma mitluba li jmorru jinkitbu fl-Uffiċċju Parrokkjali.

v  Neħtieġu: Dawk il-familji li għandhom sandlijiet tat-tfal u tal-kbar li m’għadhomx jużawhom, jistgħu jieħduhom lil xi membri tal-Kumitat tal-Ġimgħa l-Kbira jew fl-Uffiċċju Parrokkjali.

v  CD ġodda: Akkwista u ibgħat lill-emigranti CD tal-Banda Victory-Marċi Funebri; CD tal-Paniġierku ta’ San Pawl fil-Belt Valletta; CD – “Lis-Saċerdoti tagħna”- l-innu lis-saċerdoti f’din is-Sena Saċerdotali…produzjoni tal-Grupp tal-Vokazzjonijiet.

Il-Ġabra tal-Art Imqaddsa!

Il-ġabra fil-Knisja Parrokkjali:  €1430.44

fil-Knisja Nazzarenu:   €  394.83

fil-Knisja Sant’Anton: €  360.86

Total                                         €2186.13